近日日本傳媒指日本政府考慮最早於8月24日開始將福島第一核電站將已經經過處理嘅含氚核廢水排出大海。香港政府指如果日本政府堅持不顧大眾嘅健康及鄰近地區嘅食安，將福島核廢水排放進海洋將會馬上推動進口管制措施，以禁止日本10個都縣（東京、福島、茨城等十個都縣）嘅水產進口，包括活體、冷凍、冷藏、以至乾製或者其他方式去保存嘅水產、海藻同海鹽都禁止進口，去避免市民進食受核廢水污染嘅海產，確保香港嘅食物安全同埋公眾健康。
根據日本政府嘅報告，福島核廢水除咗放射性氚物質之外仲有幾十種唔同嘅放射性物質。呢啲核廢水包括事故當刻用嚟協助反應填降溫嘅海水，同埋10多年嚟受放射性物質影響而遭到結構受損嘅地下水。因此一旦核廢水無經過適當處理而隨便排放到太平洋，就會造成極高濃度嘅核污染水，對人體健康同海洋生態構成極其嚴重嘅威脅。
咁究竟核廢水特別係福島核事故之後所產生嘅核廢水，裏面嘅物質對人體有啲咩影響呢？根據綠色和平嘅調查，福島核廢水含有氚、鍶90、碳14等物質。儘管氚只有喺極大量嘅時候先會對人體造成傷害，其他嘅放射性物質依然有其危險性。
鍶90（Strontium-90）係喺一般嘅核污水幾乎唔會出現嘅高度放射性物質，鍶90 嘅半衰期長達28.8年，佢能夠穿透人體組織並傷害細胞。如果人體暴露於鍶90，佢可以喺體內同鈣結合，積聚在人喺骨骼入面，導致骨骼組織受到放射性污染，增加骨髓、骨骼同牙齒嘅放射性損傷風險。接觸鍶90 甚至會令 DNA 雙鏈斷裂，加上佢好長嘅半衰期令鍶90可以喺環境入面長期生存，鍶90可以逐漸透過食物鏈損害大家嘅健康。
碳14（Carbon-14）喺一種半衰期極長嘅放射性物質，其半衰期長達 5,730 年。碳14能可以穿入人體，融入DNA細胞組織導致DNA損傷，細胞死亡，甚至乎引致潛在遺傳變異。
面對日本排出核廢水，食安中心會加強檢測日本進口食品嘅風險並且適當調節監察工作。市民亦可以多攝取維他命C及E去降低毒素嘅傷害，同時可以多喝水及多做運動，避免毒素積聚。各位市民又會唔會因為福島核廢水事件而避免進食日本嘢呢？
發表迴響