香港最近開始轉涼、天氣變得乾燥，係時候要飲下啲滋潤養生嘅湯水補一補！小編今次就搜羅咗4款比較迎合香港人口味嘅湯水，希望有一款啱你！
1) 花膠響螺片燉雞湯
花膠、響螺片同雞肉都係秋冬滋補嘅極品，可以滋陰養顏、補氣血同緩解疲勞，特別適合想改善膚質同成日見攰嘅你。
2) 蟲草花玉竹淮山排骨湯
蟲草花性質溫和，可以潤肺止咳同補腎益肝。而玉竹有生津止渴嘅功效，可以解決口乾同乾咳嘅問題，啱哂秋冬飲！
3) 淮杞燉烏雞湯
用上比一般雞更滋陰補腎嘅烏雞，配搭健脾益胃嘅淮山同可以增強免疫力嘅杞子，藥性溫和得嚟又集中，體虛或秋冬容易病嘅你都可以試試。
4) 胡椒豬肚湯
怕凍人士必飲！胡椒可以幫大家散寒、暖胃，豬肚亦對脾胃虛弱、消化不良等症狀有食療作用，冬天飲佢嚟暖胃或做打邊爐湯底都一樣咁firm！
發表迴響