健康提案 Healthnews HK

新學年就到，又係各位家長幫小朋友添置新皮鞋嘅時候喇！消委會最近搜購咗市面28款小學生鞋做樣本，測試咗每對鞋嘅物理性能同化學安全，大部分樣本喺物理性能方面表現都過關，防滑能力同配件嘅抗拉程度更是令人滿意。而化學安全方面結果就令人擔憂，有樣本被檢出六價鉻、芳香胺、塑化劑同甲醛等含量超出歐盟要求上限，長期穿著會導致小朋友過敏、生皮疹同提升患癌機會。不過好在報告出街後，海關同相關企業已經即刻跟進問題。 至於家長揀鞋比小朋友嘅時候除咗要記得揀啱size，仲要注重彈性同透氣度，防滑同吸震等功能亦值得考慮！