全球工作壓力指數，香港排名成全球第一
香港係一個講求「快」嘅城市，急促嘅生活節奏好容易造成精神壓力。喺「2022年全球工作場所報告」入面，東亞地區的工作壓力係全球之冠，而香港則是東亞地區排列榜首的城市。面對壓力嘅時候可以試試以下三種辦法令自己即時放鬆:
1. 運動，可分泌出安多酚，紓緩精神壓力。
2. 聽音樂，輕快的歌曲可即時為情緒帶來放鬆效果。
3. 小睡片刻，睡眠不足對荷爾蒙有負面影響，斷而影響情緒。
港人尋求精神健康幫助，或要等90個星期
香港心聆(Mind HK)喺最新一項調查中發現，經濟顧慮、相信「會自然康復」、缺乏對可用服務的知識和認識，呢3種因素係阻礙受訪者為精神健康問題尋求幫助的主要原因。除此之外，喺醫管局最新公佈專科門診新症輪候時間嘅報告入面顯示，於2021年10月至2022年9月期間，超過48,000宗新症在輪候精神科門診服務，而最長等候時間更達至90個星期。可想而知，香港喺精神健康支援上有沉重嘅壓力，港人要解決精神健康問題難以即時得到幫助。
香港心聆(Mind HK)推出新的情緒輔導員（PWP）培訓計劃
本地精神健康慈善機構香港心聆(Mind HK)，希望藉住推出該計劃可以紓緩精神健康支援上的治療差距，以減輕公營醫療服務嘅負擔，達至改善社會精神健康狀況提供可持續的解決方案。培訓計劃獲赫墨拉基金會（Hemera Foundation）及一所家族基金嘅資助，計劃為期11個月，全面結合理論與實踐。完成課程後，所有通過評估並合格嘅學員將成為實習情緒輔導員，並獲安排到各參與機構如非牟利機構或教育機構等進行為期9個月嘅實習，實習期間亦有業內經驗豐富的專家檢視輔導員嘅表現，為佢哋提供適當指導及確保學員安全、有效地按照指引為服務使用者提供治療。PWP培訓計劃由即日起接受公開申請，並至 2023 年 1 月 6 日截止，費用全免。(詳情可到: bit.ly/pwptc202211)
發表迴響