奧米加3 — 快樂營養素 5大食物調節神經舒緩壓力 除咗魚類 仲有其他食物富含Omega-3!

奧米加3 — 快樂營養素 5大食物調節神經舒緩壓力 除咗魚類 仲有其他食物富含Omega-3!

Omega係一系列多元不飽和脂肪酸,亦係人體所需要嘅必需脂肪酸。Omega唔可以自身人體合成,只能夠從飲食中攝取。有飲食指引指出Omega-3應佔每日總熱量2%,所以成人大約每日需要攝取4克Omega-3。

奧米加3脂肪酸 (Omega-3) 較常被認知為有益心臟同血壓健康嘅脂肪酸,除此之外,奧米加3亦係一種快樂營養素,可以幫助調節神經、舒緩壓力。美國哈佛大學醫學院研究發現,Omega-3脂肪酸含有類似對抗抑鬱的天然百憂解,有預防憂鬱的效果。

最常見、含有最多Omega-3(EPA和DHA)嘅食物,就係深海魚類。因此最直接攝取Omega-3嘅方法就係進食魚類或魚油補充品。

除咗魚類之外,部分植物都含有Omega-3脂肪酸(ALA),今次HealthnewsHK分享5大含有Omega-3嘅食物。

1.核桃

所有堅果都含有Omega-3,堅果中核桃屬於優質嘅Omega-3,核桃嘅「α-亞麻酸(ALA)」含量比其他堅果為高。但由於核桃脂肪高,建議一日最多攝取兩粒核桃就足夠喇!

2.西蘭花

有西蘭花嘅一餐,可以提供200毫克的Omega-3脂肪酸,其他深綠色葉狀蔬菜等都可以提供Omega-3。

3.豆腐
每100克的豆腐就高達400毫克的Omega-3

4.黃豆
黃豆當中以多元不飽和脂肪酸Omega 6最多,亦有小量Omega 3

5.亞麻籽

亞麻仁油又稱為「素食的魚油」,富含Omega-3,每日食一小匙就可以補充所需嘅Omega-3

大家喺進食含高Omega-3嘅魚類,或者含有魚油嘅食品同時,都可以配合進食植物類、含有Omega-3嘅食物,以達到每日最佳Omega-3攝取量。

發表迴響