喺香港十大常見癌症入面，乳癌、卵巢癌、前列腺癌全部都榜上有名，而有「沉默殺手」之稱嘅胰臟癌，排名更加係大幅上升，升幅甚至比乳癌更大。除此之外，胰臟癌仲有年輕化趨勢，以往患者多數都年過65歲病發，但近年就曾見過40歲嘅患者。臨床腫瘤科專科醫生陳穎樂醫生指出，BRCA基因突變會分別增加患上前列腺癌及胰臟癌的風險4.5位及2倍以上。
BRCA基因突變是甚麼？
BRCA基因係抑癌基因，如果BRCA基因出現突變就會失去修復受損DNA嘅能力，令基因組變得不穩定，繼而細胞出現異常，增加患癌風險。臨床腫瘤科專科醫生陳穎樂醫生指不論男女都有機會帶有BRCA基因突變，增加患上以上4類癌症風險，包括乳癌、卵巢癌、前列腺癌及胰臟癌，而且有50%機會將基因遺傳下一代。而透過基因測試，就可以辨識有否帶有BRCA基因突變。
家族BRCA基因檢測及遺傳諮詢輔導資助計劃
根據癌症病人互助組織「同路人同盟」作出的調查，於2022年1月進行網上問卷，邀請與BRCA基因突變相關的100位癌症患者參與。調查結果顯出約七至八成受訪癌症患者不知道BRCA基因突變與前列腺癌及胰臟癌有關。加上普遍受訪者對BRCA基因突變嘅認識並唔全面，「同路人同盟」推出「家族BRCA基因檢測及遺傳諮詢輔導資助計劃」，向合資格人士免費提供檢測等服務，共有50個名額。(詳情可到：https://bit.ly/brca_scheme)，鼓勵帶有遺傳性BRCA基因突變癌症患者嘅家屬盡早為個人健康籌謀，以及為非癌症患者加強了解患癌風險及制定健康管理策略。
資料來源：癌症病人互助組織「同路人同盟」調查
發表迴響