健康提案 Healthnews HK

維生素D係一種脂溶性維生素，可以有助腸道吸收鈣質，令血液中嘅鈣（Calcium）同磷（Phosphorum）維持正常水平，促進骨骼強健。 另外亦有助於發展神經肌肉功能同免疫功能，調節細胞生長以及體內生物化學反應。

人體缺少足夠維生素D，容易引發骨骼健康問題。嬰兒同兒童長期缺乏維生素D發生骨骼唔能夠正常鈣化，令骨骼變軟、變形，加大骨折嘅風險，更可能導致佝僂病。 而成人長期缺乏維生素D，可能會導致骨質軟化、骨質疏鬆、軟骨病等問題。

維生素D嘅每日建議攝取量為：兒童及成人 (<70歲)：600 IU；成人 (>70歲)：800 IU

人體內大部分嘅維生素D，都係由陽光照射皮膚而成。但其實除咗曬太陽，維生素D都可以從食物中攝取。今次健康提案將會同大家介紹5大含維生素D食物。

1.蛋黃

2.三文魚

3.沙甸魚

4.肝臟

5.黑木耳

較少食物本身含有維生素D，脂肪含量較高嘅魚類，包括三文魚、沙甸魚、鯖魚、秋刀魚等等⋯⋯蛋黃、肝臟都係天然含有維生素D嘅食物。 但有專家指肝臟類食物較易重金屬、藥物殘留，唔適宜多食。5款食物當中，含有最豐富維生素D嘅，就係黑木耳。

當然，單靠食物來源，未必能滿足每日所需攝取量。建議大家趁夏天，多啲到戶外吸收陽光，維持身體所需嘅維生素。