4大貼士預防猴痘暑假玩得開心又放心

嚟緊暑假又到，相信大家都一定會周圍去旅行，但係最近台灣周同日本猴痘都肆虐，想玩得開心又放心，就要了解下咩係猴痘啦。猴痘係一種由猴痘病毒引起嘅人畜共患病，因為呢個病毒喺剛果民主共和國研究用嘅猴子身上首次發現，所以就以「猴痘病毒」命名啦。至此，猴痘就主要喺中非同西非爆發，而發生喺非洲以外地區嘅疫情就主要同非洲進口嘅動物或者遊客有關。自2022年5月開始，全球唔同地區嘅國家就爆發咗猴痘。

猴痘嘅潛伏期介乎5至21日，感染猴痘嘅患者會喺感染後嘅幾日出現發燒、劇烈頭痛、肌肉痛同淋巴結腫大嘅病徵。發燒後約1至3日，口腔仲會出現潰瘍，身體其它部位亦都會出現皮疹，更會喺10日至兩星期內發展到水疱、膿疱，然後結痂。猴痘嘅病徵會持續14至21日，而患者通常都會自行痊癒。喺過去嘅疫情中，猴痘患者嘅死亡率介乎喺1％至10％之間。

猴痘通常係透過人同受感染嘅動物、受感染嘅人、或受污染嘅物件接觸去傳播。人如果被野生動物例如靈長類動物、囓齒動物同松鼠等咬傷或抓傷，或者接觸其體液，都有可能會受到感染。長期接觸飛沫或者接觸體液都可能令病毒人傳人。今次健康提案將會同大家介紹4大預防方法。