原來單靠飲食已經可以攝取足夠嘅維他命C！4大含豐富維他命C嘅食物 幫助身體傷口癒合！
維他命C係一種水溶性維他命，亦係人體必需嘅營養素，可以幫助製造骨膠原，維持血管、結締組織、軟骨組織的健康，對傷口癒合很重要。同時亦都有助身體吸收鐵質，含有抗氧化功能，有助新陳代謝，幫助維持免疫系統運作正常。更有部分研究發現，原來維他命C有機會可以紓緩傷風感冒期間出現嘅症狀。
但當人體缺少維他命C可能會令人體製造唔夠膠原蛋白，令膠原蛋白嘅合成同修復能力下降，所以令喺皮膚、骨骼、血管同牙齒等嘅組織結構受破壞，可能會導致壞血病，症狀包括疲勞、貧血、牙齒鬆動、牙齦出血等等。長期缺乏維他命C更可能導致免疫系統功能下降，令身體容易受到感染。
而根據世界衞生組織（WHO）嘅建議，成人每日嘅維他命C攝取量唔應該少於 45 毫克。
雖然好多人都會通過維他命C補充劑進行補充，但其實維他命嘅最佳來源係食物，因為佢係最易被人體吸收同利用。而且食物亦都含有其他對身體有益嘅物質例如礦物質丶纖維素，所以補充劑係唔可以用嚟代替食物嘅，只能用嚟彌補因為疾病所引致嘅營養攝取不足。今次健康提案將會同大家介紹4大含豐富維他命C嘅食物。
1. 紅燈籠椒
2. 橙
3. 奇異果
4. 西蘭花
以上嘅蔬果都含豐富嘅維他命C， 進食一個奇異果或者橙已經達到成人每日嘅最少攝取量，進食半杯（約70克）已經煮熟嘅紅燈籠椒或者西蘭花都可以做到同樣嘅效果，為身體補充維他命C。
當然，過量攝取維他命C亦會對健康造成負面影響例如腹瀉，所以追求食得健康嘅同時一定要食得適量！
發表迴響