4大優質蛋白質食物 幫助身體組織復元!教你食得健康吸收優質蛋白質!

蛋白質係由唔同嘅氨基酸組成,係人體必需嘅營養素,可以促進人體生長同修補身體組織,包括肌肉、皮膚、骨骼、內臟和血液。 另外,攝取蛋白質亦可以幫助製造酵素和賀爾蒙,有助維持身體功能。

當人體缺少足夠嘅蛋白質,可能會導致人體生長遲緩、引發肌肉質量流失、免疫力下降、更可能導致水腫、心臟及呼吸系統功能減弱嘅風險,甚至死亡。

根據世界衞生組織(WHO)嘅建議,健康人士每日攝取嘅蛋白質量應該佔總能量攝取量嘅10-15%。

而蛋白質有兩大食物來源,第一種係動物蛋白質(例如肉類、家禽、魚類、雞蛋同埋牛奶),第二種係植物蛋白質(例如如豆類、穀類食物、果仁同埋乾豆)。雖然大家可以由好多種食物中攝取蛋白質,但擁有優質蛋白質嘅食物含有更豐富嘅蛋白質,同時易於吸收。今次健康提案將會同大家介紹4大含優質蛋白質嘅食物。

  1. 豆類
  2. 瘦肉
  3. 魚類
  4. 雞蛋

含有Omega-3脂肪酸嘅魚類,沙丁魚、鮭魚、鯖魚都含有豐富優質蛋白質。另外雞蛋同瘦肉例如豬肉、牛肉、羊肉都係良好嘅動物性蛋白質來源,含有豐富嘅必需氨基酸。4款食物當中,大豆嘅蛋白質含量係最高嘅,而豆類亦提供優質嘅植物性蛋白質,適合素食者食用。

當然,攝取蛋白質嘅同時亦都要小心附帶喺肉類中嘅飽和脂肪,選擇瘦肉同去皮嘅肉類,去除可見嘅脂肪,更加要秉持吃得適量嘅原則。

發表迴響