脂肪唔一定係「壞」! 帶你認識脂肪兩大類 「好」嘅脂肪為人體帶來裨益

大眾經常將脂肪同膽固醇掛勾,認為脂肪同肥胖、心臟病、高血壓有密不可分嘅關係。但其實脂肪對人體嚟講,有著重要嘅功用,甚至係重要嘅營養素。

脂肪對身體擔當唔同嘅功能,包括:

1.儲存熱量,為身體活動提供能量,
2.皮下脂肪有助維持體溫
3.脂肪組織保護內臟器官
4.作為製造膽固醇、維生素D、膽汁酸及荷爾蒙嘅材料
5.維持神經系統以及皮膚正常運作

脂肪嘅基本結構係由一個甘油分子以及三個脂肪酸分子所組成。而食物中常見嘅脂肪分為兩大類,包括 不飽和脂肪 同 飽和脂肪。膳食中嘅脂肪可含有唔同分量嘅飽和脂肪以及不飽和脂肪,脂肪有「好」有「壞」。


1.不飽和脂肪

不飽和脂肪可以分成單元以及多元不飽和脂肪,適量攝取可降低血液中總膽固醇水平。

.單元不飽和脂肪 : 有助降低體內低密度脂蛋白膽固醇(又稱壞膽固醇) 水平,保持血管暢通

.多元不飽和脂肪:稀釋血液濃度、降血壓及改善免疫系統功能

不飽和脂肪食物來源:植物油(如橄欖油、芥花籽油、花生油、粟米油)、種子(瓜子、松子)、堅果(合桃、腰果)


2.飽和脂肪

飽和脂肪令血液更易凝結,引致血管硬化、中風、心臟病等疾病。而且促進肝臟產生膽固醇,令血液中嘅壞膽固醇上升。

飽和脂肪食物來源:動物性脂肪(肉類、牛油、豬油、忌廉、蛋黃)、植物油(椰子油、棕櫚油)

只要飲食上多加注意,「好」嘅脂肪可以為人體帶來裨益。

發表迴響