健康提案 Healthnews HK

美國加州食品企業Upside Foods同Good Meat，獲農業部批准銷售細胞培植肉，成為繼新加坡後，第二個合法買賣細胞培植肉嘅國家。細胞培植肉作為人造肉，生產過程不涉及屠宰，可以減輕對動物嘅傷害以及減輕畜牧對環境嘅損害。素肉同培植肉同樣係人造肉類，但製作過程以及成份都相差甚遠。

培植肉係從實驗室以動物細胞培養出嚟嘅肉。製作方法先從動物身上抽取肌肉細胞，肌肉細胞會喺無菌培養基中增殖。其後喺受控的環境下生長為肌肉纖維。

普遍被稱為「齋」嘅素肉（植物性肉類），通常以植物蛋白質製成，例如齋雞由腐皮製成，而齋滷味由麵筋製成。素肉首先從大豆、小麥等植物萃取蛋白質，再將蛋白質萃取物加熱、擠壓和冷卻，最後加入配料及添加劑，以貼近肉嘅味道同色澤。