踏入秋季，天氣開始乾燥，皮膚容易乾燥、氣管乾渴、易咳等等。想bye-bye乾燥肌，改善氣管問題？ 養顏養生嘅湯水可以幫到你補水、滋潤！ 小編整合左4款秋季湯水推介比大家，幫大家滋潤過秋季!
1.無花果雪梨薏米水
功效: 祛水腫、補血氣、皮膚鎖水
做法: 1. 生熟薏米先浸 1 小時，無花果沖洗後切半，雪梨去芯切半。
2. 煲內 3 碗水，水滾後放入所有材料，用大火加蓋煲 15 分鐘，之後轉細火煲 1 小時，即可完成。
2. 龍脷葉海底椰無花果蘋果水
功效: 潤肺養顏、止咳、清燥熱
做法: 將龍脷葉、海底椰(一片片、乾身)、蘋果(去芯切半)、南北杏、無花果，所有材料洗淨，然後落凍水開大火滾半小時，再轉細火滾 2 小時即完成。
3. 西洋菜羅漢果湯
功效: 健脾、潤肺止咳
做法: 1. 瘦肉切塊洗淨後汆水。
2. 將羅漢果(1/4 個)、西洋菜、南北杏、蜜棗洗淨後，連同瘦肉一併放入煲，然後慢火煲 2 小時。
3. 飲用前可加鹽調味。
4. 木瓜雪耳魚尾湯
功效: 清熱、潤肺潤腸
做法: 1. 木瓜去皮去籽，雪耳浸開。 2. 加入適量清水後，放入木瓜、雪耳、鯇魚尾、生薑，煲約 1小時即可飲用。
發表迴響