人生有三分之一嘅時間用於睡眠，睡眠係對於身心健康嘅先決條件，但係睡眠嘅重要性卻經常被忽視。優質嘅睡眠可以加強身體嘅發展、等身體回復精力、令人心情開朗。相反，睡眠不足或睡眠質素欠佳就有可能會影響身體日間嘅運作同導致各種慢性健康問題。 所以有研究指出，要保持精神同維持日間正常運作， 成年人同長者每日應睡大約7至8小時；兒童同青少年每日應最少睡大約 10小時；嬰兒每日需要睡16至18小 時，而幼兒每日則需要睡11至12小時 。
成年人若睡得不夠或睡得不好，可能會影響日間嘅認知功能，例如工作記憶、情景記憶和解決問題嘅能力等 。就成年人來說，睡眠時間不足會增加肥胖風險55%；而兒童睡眠時間不足會增加肥胖風險89% 。 睡眠時間不足亦會引致心血管疾病，就65歲以下人士而言，睡眠時間不足會增加患上高血壓風險33% 。睡眠時間較短嘅人士患上或死於冠心病同中風嘅風險，比每晚有7至8小時睡眠嘅人士分別高48% 和15%。表示受失眠困嘅人士患上或死於冠心病同中風嘅風險，比冇失眠問題嘅人士高45% 。 睡眠不足更會增加患癌風險，每日睡覺少於六小時會增加患上癌症風險43% 。平均每晚睡覺少於六小時人士患上大腸腺瘤嘅風險，較每晚至少有七小時睡眠人士高接近50%。每晚睡六小時或以下女士患乳癌嘅風險，較每晚至少有七小時睡眠嘅女士高62%。 可見睡眠不足最終亦有可能誘發慢性疾病或者令其病情惡化，最終減短壽命。
所以Healthnews HK 提提大家要建立良好嘅睡眠時間表，維持穩定嘅生理節奏；避免進食含咖啡因嘅食物或飲料，同埋在就寢前先上廁所。
發表迴響