冬天乾燥，喉嚨特別容易乾燥。想潤肺去燥當然要煲返啲合適嘅湯水滋潤下啦！推介6款湯水食譜比大家，冬天季節更加要好好因應時節而養生呀！
1.霸王花無花果響螺湯
具有滋陰潤肺及清熱化痰功效，霸王花健脾養胃，響螺開胃消滯、滋補養顏、滋陰補腎，止咳潤肺及化痰平喘。
做法：
豬展出水備用
響螺頭洗淨浸軟，去腸切片備；無花果洗淨
霸王花用水浸半小時，剪去硬蒂及洗淨備用
將所有材料放入煲內，以大火煲滾，再用文火煲2小時便成
2.佛手瓜栗子甘筍湯
佛手瓜栗子甘筍湯、健脾、開胃、壯腰固腎。
做法：
將佛手瓜、甘筍、栗子洗淨切件
煮沸滾水後送入佛手瓜、甘筍、栗子，以及蜜棗
3.淮山沙參蟲草花湯
淮山有益氣養陰，補脾肺腎的功效，沙參益胃生津，蟲草花壯陽補腎，有助防寒養腎、改善手腳冰冷等。
做法：
沙參、蟲草花、鮮栗子、杞子及蜜棗洗淨
鮮淮山去皮切塊
滾水後加入全部材料慢火煲1小時
4.木瓜雪耳南北杏豬𦟌湯
木瓜雪耳南北杏豬展湯具有滋陰潤肺、補脾開胃，潤肺止咳及潤腸通便的效用。
做法：
木瓜洗淨切件
雪耳浸軟後洗淨，切去底部硬塊後撕成小塊
豬𦟌汆水後送入煲內加入3公升水，以及所有材料，大火煲滾後轉中細火煲1.5小時
5.椰子海底椰粟米紅蘿蔔煲豬𦟌
椰子海底椰粟米紅蘿蔔煲豬𦟌味道清甜，有助健脾消食、止咳潤肺、益氣補腎
做法：
粟米、紅蘿蔔洗淨後切件備用
海底椰、南北杏及蜜棗洗淨，備用
豬𦟌汆水後加入滾水，加入椰子海底椰，粟米及紅蘿蔔
大火煮滾後轉細火煲2小時
6.朧脷葉羅漢果雪梨湯
朧脷葉羅漢果雪梨湯潤肺生津通便
做法：
將全部湯料洗淨，羅漢果分開一半，只用半個
大火煲滾1.5公升水後，加入材料煲1-2小時
發表迴響