健康提案 Healthnews HK

抗生素是用嚟治療細菌感染嘅藥物，可以殺死細菌或令細菌停止繁殖，但係用抗生素治療會增加耐藥性細菌滋生嘅風險。「抗生素耐藥性」係指細菌出現咗變異，令到原本有效嘅抗生素變為無效，可以抵禦抗生素嘅效能，導致人體持續感染，令到感染難以治療，增加傳染其他人風險。

其實抗生素耐藥性係一種自然現象，當微生物適應有抗生素嘅環境，微生物嘅基因亦因環境而變化，耐藥性就逐漸出現。但係不當同過度使用抗生素，例如不當地以抗生素治療傷風流感等病毒感染，以及對動物濫用抗生素就會加劇耐藥問題。耐藥性細菌一般透過進食或接觸帶菌或受感染嘅動物、食物、人類或被污染嘅環境傳播，所以耐藥性細菌產生嘅速度會比研發新藥物更快，導致有效嘅治療方案會愈趨減少。

要應對抗生素耐藥問題，各位市民都可以出一分力。今次健康提案將會同大家介紹4大正確使用抗生素嘅貼士。

1. 即使病情轉好都唔可以自行停用抗生素
2. 切勿與他人共用抗生素
3. 不可服用剩餘的抗生素
4. 遵照醫生建議服用抗生素