抑鬱症可以係一種嚴重嘅疾病，唔單止影響個人嘅情緒同思想，而且影響患者嘅身體健康。其實唔止大人會覺得抑鬱，小朋友同青少年同樣會有機會患上抑鬱症，有抑鬱症並唔代表軟弱，持續嘅抑鬱會影響患者嘅社交及工作能力，嚴重嘅抑鬱症患者可能會傷害自己，甚至自殺。
1. 成年人才會患病？
抑鬱症可以由多種原因引起，例如，生理因素、心理性格因素、環境因素同遺傳因素。某啲抑鬱症患者甚至病因不明，任何人都有機會有抑鬱症，而唔係某類人會患上抑鬱症。小朋友同青少年未必好似大人咁識得表達自己嘅感受，所以家長同監護人必須經常留意佢哋嘅情緒同行為變化，鼓勵佢哋向信任的人傾訴自己的感受。
2. 抑鬱症無法根治？
抑鬱症係可以預防同醫治嘅，藥物同心理治療嘅治理組合對六至八成嘅抑鬱症患者有正面嘅幫助，要明白嘅係治療抑鬱症需要時間，可能需要幾個月身心狀況才恢復過來，係呢個時候，家人同朋友嘅支持係必不可少，而輕度的患者可以唔洗服藥，一般嘅心理治療已經足夠。
3. 患上抑鬱症應盡早求醫
坊間、社交媒體有好多關於抑鬱症嘅書籍同資料，但喺資訊泛濫下，或者未必切合個別患者嘅情況，喺缺乏指導嘅情況下，患者自行處理可能令情緒更加惡化，所以抑鬱症患者向信任嘅人求助並唔係軟弱嘅表現，而係明智之舉
發表迴響