今時今日電子產品已經變成生活上唔可以缺少嘅一部分，長時間使用電子產品，尤其係電腦、手機、平板等設備嘅時候，雙眼一直注視屏幕，眼部肌肉會疲勞之餘仲好容易會眼乾，甚至仲可能會導致永久性嘅視力問題，如：近視同散光。
除咗長時間注視屏幕之外，光線同室內風乾都會造成眼部問題。當雙眼長時間暴露喺強烈嘅光線下，尤其係紫外線同藍光，呢光線可以穿透眼睛的表面，進入到眼球內部，對視網膜和晶狀體等結構造成傷害。而長時間留喺乾燥嘅冷氣房，眼睛表面嘅濕度會減少，導致眼睛乾澀同視力模糊等問題，仲會對眼睛周圍嘅皮膚造成刺激同乾燥。
今次HealthnewsHK就針對呢幾種眼部問題嘅成因準備咗7個護眼小妙招，幫助大家保護雙眼健康。
- 屏幕同文件要放喺同雙眼距離相同嘅位置，避免眼睛時常調節焦距
- 調低屏幕亮度
- 選擇光線柔和嘅燈
- 刻意增加眨眼頻率
- 使用眼藥水滋潤雙眼
- 每操作電腦20分鐘，遠望20呎外景物最少20秒
- 定期驗眼
發表迴響