健康提案 Healthnews HK

夏天來臨，除咗氣溫飆高，落雨潮濕嘅天氣更加係蚊蟲滋生嘅温床。被蚊叮咬後，皮膚會變紅變腫而且感到痕癢。如果被蚊叮咬後後出現嚴重反應，例如高燒、嚴重頭痛、嘔吐、出疹等等，好有可能感染登革熱。

登革熱係由登革熱病毒所引起嘅急性傳染病，登革熱經帶有登革熱病毒雌性伊蚊叮咬而傳播，白紋伊蚊係香港最常見嘅可傳播痛毒伊蚊。伊蚊通常喺日間，尤其是係日出後兩小時以及日落前數小時出沒叮咬人類。當登革熱患者伊蚊叮咬，伊蚊就帶有病毒，當病媒蚊再叮咬其他人，就會傳播登革熱。

熱帶和亞熱帶地區較常出現登革熱個案，包括新加坡、馬來西亞、印尼、老撾、泰國、柬埔寨、越南和菲律賓等地區。

登革熱病毒一共有4種唔同嘅血清型。潛伏期為 3 – 14 天，通常為 4 – 7 天。病徵一般包括突然發高燒、嚴重頭痛、眼窩後疼痛、肌肉及關節痛、食慾不振、噁心及出疹。兒童發病嘅病徵會比成年人輕。 但係亦有機率出現重症登革熱，即由登革熱所引起嘅併發症，病情比較嚴重，可以導致死亡。

要預防登革熱，避免被蚊咬固然重要，但同時都要做好防止蚊蟲滋生嘅工作。

避免被蚊咬

1.穿著寬鬆、淺色長袖衫褲
2.避免使用有香味嘅化妝品或護膚品
3.使用含避蚊胺 （DEET）成分的昆蟲驅避劑

防止蚊蟲滋生

1.防止積水（花瓶、花盆底盤、冷氣機底盤）
2.應妥善存放食物及處理垃圾